Pait kayo ning kinabuhing pobre sa
bukid, alaot kung walay kuwarta. Sayo mubangon sa buntag para mag-init og kape
samtang nagpaabot sa banag-banag sa adlaw. Inig ka-udto mangudlot sa garden
likod sa balay para kan-on, isula sa manok dinakpan sa silingang balay. Sinabaw
lang ginagmay sagul sayote nga miligid sa pultahan kaganihang buntag alas sais.
Paita, gisumhan og kinaon sa manok nanimahong iti ang resulta.
Misulay pagkanaog sa siyudad aron
mangindahay og lami nga pagkaon. Gikapoy og libot-suroy, misulay sa pagpahulay sa
Jollibee pabugnaw gamay. Pastilan, ania na pod ang manok giprito lang, lahi og
hitsura sa nilutoan sa among bukid, gibutangan lang og gravy. Walay kalainan sa
luto ni nanay, nakaingon ko pareha ra man og dagway ang kinabuhi dinhi og sa
amoa, daghan lang ang utan didto.
Mobalik ko, nakahukom na ko. Didto ra
ko sa amoa sa bukid, mingaw og walay saba. Kusog pod ang signal sa internet kay
doul man sa tower among balay. Facebook gamay samtang maghigop sa sabaw sa manok.
Haay.. kinabuhing pobre way makalabaw.